Sammi het huiswerk uitgedeel en die tannie speel nie! Die opdrag is om die plek waar jy bly te bemark, synde dat daar tog immers ‘n goeie rede moet wees waarom jy daar bly. Ek stem saam met die feit dat daar ‘n rede is, maar dit beteken nie noodwendig dat jy bly waar jy graag sou wou bly nie. Hoe dit nou ookal sy, Pretoorsdorp is waar ek bly.
Synde dat die Merrie alreeds ons mooie stad se goeie punte besing het, gaan ek nou maar hou by die feite.
Algemene Oorsig
Die munisipale area van die groter Tshwane metropool beslaan ongeveer 3 200 km2. Dit strek bykans 60 km Oos/Wes en 70 km Noord/Suid en huisves ongeveer 2,2 miljoen inwoners. Dit is die tweede grootste munisipaliteit in Gauteng naas groter Johannesburg, en een van die ses grootstes in die land. Die middestad van Pretoria is ongeveer 50km vanaf die middestad van Johannesburg en dieselfde afstand vanaf OR Tambo internasionale lughawe
Die stad is
- die setel van die regering met al die nasionale regerings departemente hier gebasseer.
- form deel van die Gauteng streek, die rykste en vinnig groeiendste ekonomiese streek in Afrika
- huisves al die ambassades van al die lande in die wêreld
- is ‘n nasionale kern van navorsing en opleiding met vier universiteite en sewe van die agt nasionale wetenskapsrade. Hulle is die WNNR, HSRC (Human Sciences Research Council), die Landbou Navorsings Raad, the NRF (National Research Foundation), die MRI (Medical Research Institute), die VRI (Veterinary Research Institute) en die SABS.
- is sover my kennis strek die enigste metroraad wat lugfotos van die hele munisipale gebied op hulle webwerf het. I can see my house from here . . .
Die hoof ekonomiese aktiwiteite is gemeenskapsdienste (staat) gevolg deur finansies en vervaardiging. Die grootse subsektor in die vervaardigings bedryf is metaal produkte, masjienerie en huishoudelike toestelle, gevolg deur die mototbedryf (o.a Nissan, Ford en BMW). Pretoria het drie hoof industriële gebiede in Silverton in die Ooste, Pta Wes en Rosslyn in die Noordweste.
Benewens die 36 hospitale en klinieke bied Pretoria ook ‘n paar natuurreservate, heelparty museums en historiese besienswaardighede (o.a die Voortrekker monument, Uniegeboue, Kerkplein en Sammy Marks Huis) en die nasionale dieretuin.Verskeie van die top skole in die land is ook in Pretoria
Pretoria se bekendste kenmerk is waarskynlik die duisende Jakarandabome wat die stad gedurende Oktobermaand bedek in ‘n pers kombers.
Leef en Werk in Pretoria (Noord)
Ligging, klimaat en temperatuur
Die Daspoort rante en Magalliesberge verdeel Pretoria in rofweg drie Oos/Wes korridors. Die Suidelike korridor bestaande uit Oostelike voorstede, middestad, Westelike industriele gebiede en Centurion. Die middelste korridor tussen die twee reekse genaamd Pretoria Moot en die Noordelike korridor. Dit is aan die westekant van Pretoria Moot waar die Pretoria se eie tonnel geleë is. Dit is ‘n rapsie oor die 800 meter lank en is een van die verbindingsroetes vanaf die westelike voorstede na die middestad. Die minder gegoede buurte is oorwegend rondom die industriële gebiede gevestig en veral dan in die Weste.
Gemiddelde dagtemperatuur in die Noorde van Pretoria is soveel as 4-6 grade warmer as in die Suide en Johannesburg a.g.v. die feit dat dit teen die noordekant van die Magalliesberg geleë is en sal konstant rondom 30+ grade in die somer wees en ongeveer 15 -20 grade in die winter. Reënval is ongeveer 670mm per jaar, oorwegend in die somermaande. Reën is oorwegend in die vorm van donderstorms wat gepaard gaan met wind en weerlig. Pretoria het heelwat laagwaterbrue wat klokslag oorstroom word tydens hierdie donderstorms.
Infrastruktuur
Noord van Magaliesberg is twee privaathospitale en verkeie kleiner klinieke en dokterspraktyke, met nog twee privaathospitale minder as 10 minute se ry verder in Pta moot. Verskeie laer en hoërskole sowel as ‘n tegniese hoërskool val in die gebied noord van die Magallies, alhoewel dit meestal van die ou model C skole is. Verskeie kleiner sowel as 2 mega inkopiesentrums kom in die gebied voor, en verteenwoordig al die grootnaam kleinhandelaar groepe. Paaie is onder druk omdat sowat 220 000 voertuie per dag suid moet beweeg om te gaan werk deur slegs 4 toegangsroetes deur Magalliesberg. Geen wonder dat Zambesiweg (een van die hoofroetes wat die poorte deur die berg voer) die meeste jaarlikse ongelukke in Pretoria het nie. Noordelike Pretoria is tans die snelgroeindste deel van die stad.
Akkomodasie
Huispryse is oor die algemeen redelik billik en wissel van R 500,000 vir intreevlak in ‘n meenthuise tot ongeveer R 5 milj vir ‘n ou plekkie teen die berg met ‘n uitsig tot in Zimbabwe. Gemiddelde huispryse is egter onder 1 milj, en in die ouer dele kan jy werklik waarde vir geld kopies kry.
Geleenthede
Die 2001 Sensus het aangedui dat sowat 46% van die ekonomies aktiewe populasie van Pretoria in die Noorde woon, maar dat slegs 21% van die werksgeleenthede hier geleë is. Kleinhandel, bouverwante bedrywighede, ontspanning en tegnologie is sektore waar intrepeuners kan investeer in die noorde.
Ontspanning
Benewens die aansienlike hoeveelheid museums, geskiendkundige besienswaardighede, koopsentrums en reservate binne Pretoria, is sy sentrale ligging van so aard dat jy toegang het tot ‘n verbysterende reeks keuses wat vir dagbesoeke en vir kort naweekwegbreke wat per motor bereikbaar is. Enkeles hiervan is:
- Hartebeespoortdam en omliggend – 45min
- Maggaliesburg en die wieg van die Mensdom – 1uur
- Pilansberg en Sun City – 1 uur 15 min
- Waterberg warmbronne en Wildreservate – 1 tot 2 uur
- Nelspruit en laeveld 3 – 4 ure
- KZN Noord of Suidkus – 6 to 7 ure
- Bloemfontein en Drakensberg 3 – 4 ure
Pretoria is voorwaar “a lekker place to be”
PJ
Een ding wat wel heeltemal te kort is, is Somer. Jimmel ek lief die Somer!
Klink eerder vir my asof iemand weer in die Vitamin Green gewei het.
